حسن اسدی «شبدیز»
درباره سایت
آخرین مطالب
امکانات وب
نيسگيلدن
گونشلر آيناسي سنسيز دوماندي نيسگيلدن
چيچكلي لالهلي باغلار، خزاندي نيسگيلدن
اؤپهندن آل دوداغين، بير چاناغ دوداغلاريني
چاناغلارين اورهگي لخته قاندي نيسگيلدن
دوشنده كولگهتك آردينجا، چيرپينان كونلوم
اياقلادين، داش اورهگلر داياندي نيسگيلدن
خمار گوزونده آپاردين سعادت اولدوزومو
«آي»ين پيالهسي گويده جالاندي نيسگيلدن
اورهكدن اودلوقاناد نالهمين قوشو اوچدي
بولودلارين اتهگي ياندي ياندي نيسگيلدن
قاشين قيلينجي خيال پردهسينده سييريلدي
آلوولانان اورهگيم پارچالاندي نيسگيلدن
آماندي گئنده دورون آيريليقدان آغلاييرام
بو قان دنيز هله توفان سالاندي نيسگيلدن
برچسب:
نویسنده: پرهام رضایی