مني آتدين گئتدين

گونش اوزلو، قارا گوزلو، مني آتدين گئتدين
تئللرين تك گونومو ياخشي قاراتدين گئتدين

اورهگيم گولشن عشقينده گولر بير گولودير

بو آچيلميش گولو هجريله ساراتدين گئتدين

خيالين «آي» كيمي پارلاردي قارانليق گئجهده
بختيمين اولدوزوتك ذيروهده باتدين گئتدين
من كي عشقين دنيزيندن تاپيلان گوهريديم
نييه هجران گؤلونه داش كيمي آتدين گئتدين

گوزلريمدن الهنن قان ياشا رحم ايلمهدين
نالهمي گويلره ظلميله اوجاتدين گئتدين

يوخلايان بختيمه سن گؤر نئجه لايلاي چالدين

يامياشيل دويغولاري گور نه اوياتدين گئتدين

اولمايايديم كاش ازلدن بو گئنيش وارليقدا

آجي مين دردي شيرين جانيما قاتدين گئتدين